ლოიალურობის პროგრამის წესები და პირობები

(terms&conditions)

ტერმინთა განმარტება

ხელშეკრულება – წინამდებარე წესები და პირობები;

კომპანია – შპს „გასტრონომი საქართველო“ (ს/ნ 418473547), რომელიც წარმოადგენს ლოიალობის პროგრამის მფლობელს და ორგანიზატორს;

ლოიალობის პროგრამა (პროგრამა) – კომპანიის მიერ შემუშავებული წამახალისებელი სისტემა, რომელიც მომხმარებელს საშუალებას აძლევს ისარგებლოს სპეციალური ფასდაკლებებით შესყიდვების ისტორიის საფუძველზე;

მომხმარებელი – ნებისმიერი ფიზიკური პირი, რომელიც რეგისტრირდება პროგრამაში, ეთანხმება წესებს და ფლობს აქტიურ ლოიალობის ბარათს;

რეგისტრაცია – მომხმარებლის მიერ აპლიკაციაში ქულების დაგროვების მიზნით, აპლიკაციაში მოთხოვნილი სავალდებულო პირადი მონაცემების შევსება;

პერსონალური მონაცემი – აპლიცაკიაში რეგისტრაციისას მოთხოვნილი მომხმარებლის პერსონალური მონაცემები – სახელი, გვარი, დაბადების თარიღი, პირადი ნომერი და მობილურის ნომერი;

აქტიური ანგარიში – მომხმარებლის ანგარიში, რომელზეც ხორციელდება ქულების დაგროვება;

შტრიხკოდი – ციფრულ ბარათზე გამოსახული უნიკალური კოდი, რომლის მეშვეობითაც ხდება ქულების დაგროვება და შესაბამისი ფასდაკლების მიღება (ასევე მომხმარებლის ან მერჩანტის იდენტიფიკაცია);

ბოლო 3 თვის საშუალო დანახარჯი – დროის მოცემულ მონაკვეთში (მიმდინარე თვის წინა 3 სრული კალენდარული თვე) განხორციელებული შესყიდვების ჯამური ღირებულების გაყოფა ოთხზე. სწორედ ეს მაჩვენებელი განსაზღვრავს ფასდაკლების პროცენტს.

სტატუსი – მომხმარებლის დონე პროგრამაში (3%, 5%, 7% ან 10%), რომელიც გადაიხედება ყოველი თვის ბოლოს და დამოკიდებული იქნება ბოლო 3 (სამი) კალენდარული თვის საშუალო დანახარჯზე.

SMS-OFF – მარკეტინგულ შეტყობინებებზე უარის თქმის გამარტივებული მექანიზმი (ბმული ან სპეციალური კოდი);

PUSH ნოტიფიკაცია - მობილურ ტელეფონზე ციფრული ბარათის მიერ გამოგზავნილი შეტყობინება

ტრანზაქცია – „გასტრონომის“ გურმე მაღაზიათა ქსელში განხორციელებული ნებისმიერი ფასიანი ოპერაცია (შესყიდვა), რომელიც დაფიქსირებულია ლოიალობის ბარათის გამოყენებით

ანგარიშის შეჩერება – დროებითი შეზღუდვა ანგარიშზე წვდომისა;

ანგარიშის გაუქმება – ანგარიშის სრულად დეაქტივაცია და პროგრამაში მონაწილეობიდან გამორიცხვა;

ზოგადი დებულებები

წინამდებარე დოკუმენტი განსაზღვრავს შპს „გასტრონომ საქართელოს“ (ს/ნ 418473547) (შემდგომში – „კომპანია“) ობიექტის - გასტრონომი/Gastronome - ლოიალურობის პროგრამაში მონაწილეობის წესებსა და პირობებს.

ციფრული ბარათის რეგისტრაციის გავლით და „ვეთანხმები“ ღილაკზე დაჭერით, მომხმარებელი აცხადებს თანხმობას ქვემოთ მოცემულ წესებსა და პირობებზე და ადასტურებს რომ სრულად გაეცნო პროგრამის პოლიტიკას.

ლოიალობის პროგრამა (შემდგომში „პროგრამა“) არის შპს გასტრონომ საქართველოს მიერ შექმნილი პროდუქტი, რომელიც მიზნად ისახავს ერთგული მომხმარებლების წახალისებას.

პროგრამის ფარგლებში „გასტრონომის“ გურმე მაღაზიათა ქსელში განხორციელებული შენაძენები აღირიცხება მომხმარებლის პერსონალურ ანგარიშზე, რის საფუძველზეც მას ენიჭება შესაბამისი სტატუსი, ფასდაკლება.

ლოიალობის პროგრამაში გაწევრიანება

პროგრამაში მონაწილეობა შეუძლია ნებისმიერ ფიზიკურ პირს, რომელსაც შეუსრულდა 18 წელი.

რეგისტრაცია ხდება QR კოდის დასკანერებით, ან პირდაპირ აპლიკაციის ბმულზე გადასვლით და პერსონალური მონაცემების მითითებით.

ლოიალობის ბარათი არის პერსონალური და მისი გადაცემა სხვა პირზე დაუშვებელია.

ლოიალობის პროგრამის აღწერა

ლოიალობის პროგრამა არის კომპანიის მიერ შექმნილი სისტემა, რომელიც მომხმარებელს საშუალებას აძლევს მიიღოს შესასამისი ფასდაკლება ბოლოს 3 თვის საშუალო დანახარჯის მიხედვით.ფასდაკლების სისტემა არის პროგრესული და განისაზღვრება შემდეგი საფეხურებით: 3%, 5%, 7% და 10%.

ფასდაკლების პროცენტული მაჩვენებელი დამოკიდებულია მომხმარებლის მიერ მაღაზიაში განხორციელებული ბოლო 3 თვის საშუალო დანახარჯის მოცულობაზე:

Bronze₾50 – ₾1493% discount

Silver₾150 – ₾2495% discount

Gold₾250 – ₾3997% discount

Platinum ₾400+ 10% discount

სტატუსის გადათვლა: ფასდაკლების პროცენტის გადათვლა ხდება ყოველი თვის ბოლოს, წინა 3 თვის მონაცემების საფუძველზე. განახლებული სტატუსის შესახებ მომხმარებელს გაეგზავნება Push შეტყობინება, გარდა იმ შემთხვევისა, თუ მომხმარებელს აპლიკაციის პარამეტრებიდან გათიშული აქვს შეტყობინების მიღება.

სტატუსის ამაღლება: იმ შემთხვევაში, თუ ბოლო 3 თვის საშუალო დანახარჯი გადააჭარბებს მომდევნო საფეხურის ზღვარს, მომხმარებელს მიენიჭება უფრო მაღალი სტატუსი, 4.2. პუქნტით განსაზღვრული მაჩვენებლების მიხედვით.

სტატუსის შენარჩუნება: თუ მომხმარებლის აქტივობა შემცირდება და ბოლო 3 თვის საშუალო მაჩვენებელი ჩამოცდება შესაბამის ზღვარს, მისი ფასდაკლების პროცენტი ავტომატურად დაკორექტირდება (შემცირდება) 4.2. პუნქტით განსაზღვრული მაჩვენებლის მიხედვით.

ახალი მომხმარებლის სტატუსი: პროგრამაში პირველად დარეგისტრირებულ მომხმარებელს რეგისტრაციისთანავე ავტომატურად საჩუქრად უაქტიურდება 3%-იანი ფასდაკლება, რომელიც მოქმედებს 1 კალენდარული თვის განმავლობაში. მომდევნო თვიდან მისი სტატუსი გადაითვლება 4.2. პუნქტით განსაზღვრული საერთო წესის შესაბამისად.

არსებული მომხმარებლის სტატუსი: არსებულ ლოიალობის ბარათის მფლობელებს, ახალ სისტემაში გადასვლისას, საწყისი ფასდაკლების პროცენტი განესაზღვრებათ მათი ბოლო 3 (სამი) თვის დანახარჯების ისტორიაზე დაყრდნობით, 4.2. პუქნტით განსაზღვრულ მაჩვენებლებზე დაყრდნობით.

სტატუსის ვიზუალიზაცია: Wallet-ში დამატებული ციფრული ლოიალობის ბარათის დიზაინის განუყოფელი ნაწილია მიმდინარე ფასდაკლების %-ის ჩვენება, რაც მომხმარებელს საშუალებას აძლებს ნებისმიერ დროს გადაამოწმოს საკუთარი სტატუსი.

ძველი სისტემიდან დაგრობეული ქულების გახარჯვა: ახალ მოდელზე გადასვლასთან მიმართებით, ძველი სისტემით დაგრობილი ქულების ბალანსის ასათვისებლად მომხმარებლებს ეძლევათ 3 (სამი) თვის ვადა. აღნიშნული ვადის ათვლა იწყება კომპანიის მიერ საინფორმაციო SMS და E-mail შეტყობინებების გაგზავნის თარიღიდან.

ქულების ანულირება: წინამდებარე დოკუმენტის 4.9. პუნქტში მითითებული 3 (სამი) თვიანი ვადის ამოწურვისთანავე, ძველ ბარათებზე არსებული გამოუყენებელი ნაშთი (დაგროვილი ქულები/ლარები) სრულად ანულირდება. აღნიშნული ქულების აღდგენა ან/და ახალ აპლიკაციაში გადატანა არ განხორციელდება.

ბარათის გააქტიურება: ბარათის რეგისტრაციიდან (სმარტფონში დაყენებიდან) მის სრულ გააქტიურებამდე საჭიროა 1 (ერთი) სამუშაო დღე. მომხმარებელი ფასდაკლებით სარგებლობას შეძლებს რეგისტრაციიდან მომდევნო სამუშაო დღეს.

კომპანიის უფლებები

კომპანია უფლებამოსილია:

შეაჩეროს ან გააუქმოს მომხმარებლის ანგარიში იმ შემთხვევაში, თუ გამოვლინდება ლოიალურობის პროგრამის ბოროტად გამოყენება, არასწორი ან ყალბი ინფორმაციის მიწოდება, ანგარიშის მესამე პირისთვის გადაცემა, ტექნიკური სისტემების დარღვევა ან სხვა ქმედება, რომელიც არღვევს წინამდებარე წესებს ან მოქმედ კანონმდებლობას;

ნებისმიერ დროს, წინასწარი შეტყობინების გაგზავნის გარეშე, შეცვალოს ან განაახლოს სტატუსისთვის განსაზღვრული თანხობრივი ლიმიტები ან/და სხვა პირობები. განახლებული პირობები ავტომატურად აისახება როგორც ბარათია „Info” განყიფილებაში, ისე შესაბამის ვებ-გვერდზე და ძალაში შევა გამოქვეყნებისთანავე.

დროებით შეაჩეროს პროგრამის მოქმედება ტექნიკური მიზეზებით.

პერსონალურ მონაცემთა დამუშავება (Privacy Policy)

აპლიკაციაში რეგისტრაციით, მომხმარებელი გამოხატავს ნებას და აძლევს კომპანიას უპირობო თანხმობას, რომ დაამუშაოს მისი პერსონალური მონაცემები „პერსონალურ მონაცემთა დაცვის შესახებ“ საქართველოს კანონის შესაბამისად.

დამუშავებული მონაცემები მოიცავს: სახელს, გვარს, პირად ნომერს, ტელეფონის ნომერს, დაბადების თარიღს და ტრანზაქციების ისტორიას (შეძენილი პროდუქცია, დახარჯული თანხა, ვიზიტის დრო და ადგილი).

მონაცემთა დამუშავების მიზნები:

ლოიალობის პროგრამის ადმინისტრირება და ფასდაკლებების დაანგარიშება;

მომსახურების ხარისხის გაუმჯობესება და მომხმარებლის ქცევის ანალიზი;

მომხმარებელზე ინდივიდუალურად მორგებული შეთავაზებებისა და სიახლეების შესახებ ინფორმირებულობა;

კომპანია იღებს ვალდებულებას, დაიცვას მონაცემთა უსაფრთხოება და არ გადასცეს ისინი მესამე პირებს, გარდა კანონით გათვალისწინებული შემთხვევებისა ან იმ ტექნიკური პარტნიორებისა, რომლებიც უზრუნველყოფენ აპლიკაციის გამართულ მუშაობას (კონფიდენციალურობის დაცვის გარანტიით).

მომხმარებელს უფლება აქვს ნებისმიერ დროს მოითხოვოს ინფორმაცია მისი მონაცემების დამუშავების შესახებ, მოითხოვოს მათი შესწორება, განახლება ან წაშლა. მონაცემების წაშლის მოთხოვნა მომხმარებელს შეუძლია კომპანიის საკონტაქტო პარამეტრებში მითითებულ ელ-ფოსტაზე შეტყობინების გაგზავნით. მონაცემების წაშლა იწვევს ლოიალობის ანგარიშის გაუქმებას.

მონაცემები ინახება პროგრამაში მონაწილეობის პერიოდში და მისი დასრულებიდან 1 (ერთი) წლის განმავლობაში, კანონმდებლობის შესაბამისად.

მარკეტინგული კომუნიკაცია და Opt-out

ამ შეთანხმებაზე რეგისტრაციით თქვენ ეთანხმებით სიახლეების, აქციებისა და სტატუსის შესახებ შეტყობინებების მიღებას აპლიკაციის (Push) და SMS-ის სახით.

Push შეტყობინებები: მათი გათიშვა შეგიძლიათ მობილური ტელეფონის შეტყბონიებების პარამეტრებიდან ნებისმიერ დროს.

SMS შეტყობინებები: თითოეულ მარკეტინგულ SMS-ს თან ახლავს უარის თქმის (SMS-OFF) ბმული, რომლის საშუალებითაც შეგიძლიათ მომენტალურად შეწყვიტოთ შეტყობინებების მიღება.

აპლიკაციის გამოყენების პირობები

ციფრული ბარათის გაატრიურება შესაძლებელებია iOS და Android პლატფორმებზე;

ციფრული ბარათის უკანა მხარეს (ინფორმაციის - „Info” განყოფილებაში შესვლით) მომხმარებელს შეუძლია გაეცნოს სტატუსების და სხვა ბენეფიტების პირობებს. იქვე არის განთავსებული პირდაპირი ბმული/ლინკი პერსონალურ მონაცემთა დამუშავების პოლიტიკასა და წინამდებარე წესებსა და პირობებზე.

მომხმარებელი ვალდებულია დაიცვას თავისი ანგარიშის უსაფრთხოება და კონფიდენციალურობა. დაუყოვნებლივ შეატყობინოს კომპანიას თუ არსებობს ეჭვი მისი ანგარიშის არაავტორიზებული გამოყენების შესახებ.

კომპანია არ არის პასუხისმგებელი მომხმარებლის მიერ უსაფრთხოების წესების დარღვევის შედეგად დამდგარ ზიანზე (მაგ: მესამე პირის მიერ ფასდაკლების გამოყენება).

კომპანია არ არის პასუხისმგებელი ტექნიკური შეფერხებით გამოწვეულ ზიანზე, თუმცა უზრუნველყოფს ხარვეზის გონივრულ ვადაში აღმოფხვრას.

კომპანია არ არის პასუხისმგებელი:

მესამე პირების ქმედებებზე;

მომხმარებლის მიერ ანგარიშის არასწორ გამოყენებაზე;

ტექნიკური ხარვეზებით გამოწვეულ შეფერხებებზე.

ტექნიკური ხარვეზით გამოწვეულ სტატის განახლების დაგვიანებაზე.

დამატებითი შეზღუდვები

ფასდაკლების ბარათის გამოყენება შესაძლებელია მხოლოდ ავტორიზებული მომხმარებლის მიერ;

ფასდაკლება არ ვრცელდება:

აქციაში მყოფ პროდუქციაზე;

სასაჩუქრე ბარათების შეძენაზე;

კომპანია უფლებამოსილია განსაზღვროს დამატებითი შეზღუდვები კონკრეტულ პროდუქციაზე.

კომპანია იტოვებს უფლებას, პროგრამის ბოროტად გამოყენებაზე ეჭვის შემთხვევაში (მაგ: ერთი ბარათის გამოყენება მრავალი სხვადასხვა პირის მიერ), დროებით ან სამუდამოდ დაბლოკოს მომხმარებლის ლოიალობის ბარათი.

დასკვნითი დებულებები

წინამდებარე პირობები ძალაში შედის მომხმარებლის მიერ რეგისტრაციის მომენტიდან.

ნებისმიერი დავა, რომელიც შეიძლება წარმოიშვას მხარეებს შორის, წყდება მოლაპარაკების გზით, ხოლო შეთანხმების მიუღწევლობის შემთხვევაში - საქართველოს მოქმედი კანონმდებლობის შესაბამისად.

კომპანია იტოვებს უფლებას, შეცვალოს ფასდაკლების პროცენტები ან სტატუსის მინიჭების პრინციპი, 5.1.2. პუნქტის შესაბამისად.